Kev Koom Ntau Haiv Neeg, Kev Ncaj Ncees & Kev Koom Rau Txhua Tus
This webpage was translated from English as a convenience to people with limited English skills. We try to provide accurate translations, but slight differences may exist. If there is a difference between the English version and a version in another language, the English version is the official one.
Cov ntawv no tau muab txhais ua lus Hmoob los pab cov neeg tsis paub nyeem ntawv Meskas. Peb sim muab kev txhais lus kom raug, tab sis tej zaum yuav muaj kev sib txawv me ntsis. Yog muaj kev sib txawv ntawm cov lus Meskas thiab qhov txhais ua lwm yam lus, qhov lus Meskas yog qhov tseem.
Peb cog lus kom muaj kev koom rau ntau haiv neeg, kev ncaj ncees, thiab kev koom nrog rau txhua yam uas peb ua, los ntawm kev xaiv neeg ua hauj lwm mus rau kev nqis peev rau cov tsev tshiab.
Minnesota Housing lees paub tias nws cov chaw ua hauj lwm nyob rau ntawm thaj av Dakota. Peb lees paub tias cov cai ntawm vaj tsev hauv zos, hauv xeev, thiab hauv tsoom fwv tau tsim teeb meem rau cov neeg Khab, cov neeg Meskas Dub hauv Minnesota, thiab cov tsev neeg uas yog lwm haiv neeg tau ntau xyoo dhau los lawm.
Peb mloog thiab suav cov lus ntawm cov uas tau ntsib kev tsis ruaj khov ntawm vaj tsev thiab tsis muaj tsev nyob. Peb tab tom nthuav peb txoj kev ua hauj lwm nrog cov neeg tsim vaj tsev uas yog lwm haiv neeg, thiab peb siv zog los txo qhov sib txawv ntawm kev yuav tsev ntawm cov tsev neeg dawb thiab cov tsev neeg uas yog lwm haiv neeg. Minnesota Housing txhawb nqa cov neeg ua hauj lwm rau kev kawm kom txuas ntxiv pab Minnesota kom pab tau ntau dua raws li cov neeg ua hauj lwm pej xeem uas tawm tsam kev ntxub ntxaug txog lwm haiv neeg.
Tau Tsim Ib Lub Luag Hauj lwm Thawj Coj los Coj Kev Pab cuam Ncaj Ncees
Xyoo 2021, lub koom haum tau tsim ib txoj hauj lwm thawj coj tshiab, uas yog Director of Equity and Inclusion. Tus director ua hauj lwm rau pab pawg Servant Leadership Team kom los tsim kev txawj ntse rau cov neeg ua hauj lwm thiab cov thawj coj hauv lub koom haum kom lawv muaj peev xwm coj kev ncaj ncees los ua lub hauv paus rau peb cov hauj lwm. Minnesota Housing yog ib qho ntawm cov chaw qiv nyiaj rau vaj tsev hauv teb chaws no uas tsim txoj hauj lwm uas yog qib thawj coj rau kev ncaj ncees thiab kev koom rau txhua tus.
Tsim Ib Qho Kev Nyob Hauv Vaj Tsev Nrog Kev Koom Rau Txhua Tus thiab Kev Ncaj Ncees
Los ntawm peb qhov kev npaj rau xyoo 2020-2023, ib lub hom phiaj tseem ceeb ntawm Minnesota Housing yog tsim ib qho kev nyob hauv vaj tsev uas muaj kev koom rau txhua tus thiab muaj kev ncaj ncees. Txhawm rau ua kom tau li ntawd, peb:
- Pab kom zej zog muaj peev xwm koom tes tsim kev daws teeb meem.
- Txhim kho cov teeb meem uas cuam tshuam rau kev ncaj ncees.
- Ua kom peb cov pab cuam muaj kev koom rau txhua tus thiab muaj kev ncaj ncees ntau dua.
- Muab ntau cov koom tes ua hauj lwm nrog peb kom yog lwm hais neeg.
QHOV UA: Pab ntau tsev neeg ua yog lwm haiv neeg los ua kom tau ib tug tswv tsev
Minnesota yog ib lub xeev uas muaj tswv tsev ntau tshaj hauv teb chaws Meskas, tiam sis yog saib kom txog ntua ntawm cov tswv tsev uas yog lwm haiv neeg qhia tau txawv zog. 78% yog neeg dawb/tsis yog neeg Latinx uas yog tswv tsev, tiam sis tsuas muaj 51% uas yog lwm haiv neeg xwb. Rau cov neeg Meskas Dub, tsuas yog 13% xwb uas yog tswv tsev.
To combat the racial disparities in homeownership, we challenged ourselves to make 40% of our first-time homebuyer loan programs to Black households, Indigenous households and households of color by 2023. We have achieved this goal and even met it a year early. The housing industry only achieves about half that rate.
QHOV UA: Sib koom tes nrog ntau tus neeg tsim vaj tsev uas yog lwm haiv neeg
Peb xav koom tes nrog ntau tus neeg tsim vaj tsev uas yog lwm haiv neeg los ntawm peb cov Requests for Proposals, tshwj xeeb hauv peb qhov Consolidated RFP uas uas txhua xyoo los tsim thiab tiv thaiv kev xauj tsev. Ib txoj kev uas peb ua li no yog muab cov ntsiab lus ntxiv rau cov neeg tsim vaj tsev uas yog lwm haiv neeg thaum peb suav cov qhab nia thaum xaiv cov hauj lwm rau kev qiv nyiaj.
QHOV UA: Suav nrog cov suab qhia los ntawm zeb zog rau peb cov hauj lwm
Peb tab tom ua hauj lwm nrog cov kws pab tswv yim uas muaj kev paub dhau los rau peb txoj kev npaj rau xyoo 2024-2027. Xyoo 2022, peb tau cog lus nrog cov neeg tshuaj xyuas hauv zej zog los pab xaiv cov neeg uas yuav txais tau pob nyiaj Capacity Building Grant.
Txoj Kev Txais Neeg Ua Hauj Lwm
Nyob hauv Minnesota Housing, peb ntseeg tias peb cov neeg ua hauj lwm yuav tsum muaj kev pab rau cov zej zog uas raug kev cuam tshuam ntau tshaj los ntawm kev sib txawv hauv vaj tsev. Peb ua hauj lwm sib zog los xyuas kom meej tias peb cov kev txais neeg thiab kev tswj hwm neeg yuav los txhawb peb qhov kev cog lus kom los muaj kev koom tes nrog ntau haiv neeg, kev ncaj ncees thiab kev koom rau txhua tus.
Daim Ntawv Hu: "Righting the Wrongs"
“Righting the Wrongs,” yog ib tshoob ntawm phau ntawv “Where We Live: Minnesota Housing Celebrates 50 Years,” hais txog cov kev txiav txim siab ntawm cov kev cai uas muaj kev ntxub ntxaug rau lwm hais neeg uas tseem tsim teeb meem rau cov tsev neeg uas yog lwm hais neg nyob hauv Minesota niaj hnub no
Zaj dab neeg no qhia txog cov tsev tshiab tsim nyob rau cov neeg laus nyob rau Minneapolise thiab kev txhim kho vaj tsev rau cov thab av ua yog neeg Khab tug hauv Greater Minnesota. Nws tseem hais txog lub luag hauj lwm ntawm lub koom haum hauv kev kho cov teeb meem tsis ncaj ncees yav dhau los.
